काठमाडौं- काठमाडौं महानगरपालिका १६ को वडाध्यक्षका लागि उपनिर्वाचन जारी छ ।

उपप्रधानमन्त्री तथा सहरी विकास मन्त्री प्रकाशमान सिंहको क्षेत्रसमेत रहेको यहाँ अहिले मतदान जारी छ ।

सिंहले वडा नम्बर १६ स्थित युवा माध्यमिक विद्यालय पाकनाजोल केन्द्रमा पुगेर मतदान गरे ।

वडा नम्बर १६ मा १८ जना उम्मेदवार कायम भएका छन् । निर्वाचन आयोगका अनुसार वडा नम्बर १६ मा १८ उम्मेदवार प्रतिस्पर्धामा छन् । जसमध्ये १० स्वतन्त्र छन् ।

०७९ को निर्वाचनमा नेपाली कांग्रेसबाट निर्वाचित वडाध्यक्ष मुकुन्द रिजालको निधन भएपछि यहाँ उपनिर्वाचन भएको हो । अहिले काठमाडौं महानगर वडा नं. १६ को उपनिर्वाचन वनस्थली स्कुलसहितका केन्द्रमा शान्तिपूर्ण रुपमा अघि बढेको छ ।

तस्बिरहरू : नेपाल फोटो लाइब्रेरी