काठमाडौं– भौतिक पूर्वाधार तथा यातायात मन्त्री देवेन्द्र दाहालले विभिन्न बहाना फाइल अड्काउने र ढिलासुस्ती गर्ने प्रवृत्तिको अन्त्यका लागि फाइट ट्रयापिङ सिस्टम लागू गर्न लागेका छन् । विभिन्न विकासे योजना तथा ठेक्काका फाइलहरू वर्षौँ मातहतका निकायमा अड्किने गरेको छ ।

ठेक्का तथा आयोजनाका फाइलहरू मन्त्रालयमातहतका निकायमा लामो समय अड्किने समस्यालाई समाधान गर्न पहिलो पटक फाइल ट्रयापिङ सिस्टम लागू गर्न लागिएको मन्त्री दाहालले बताए ।

‘कुनै पनि योजनाका फाइलहरू महिनौँ एउटै विभाग वा शाखामा अड्किनु हुँदैन । कुन फाइल कहाँ गएर अड्कियो ? त्यसको जानकारीसहित फाइल ट्रयापिङ सिस्टम लागू गर्दै छौँ’ उनले भने, ‘यसले प्रक्रियागत ढिलासुस्तीमा केही सहजता होला ।’