काठमाडौं – कप्तान हेरी केन घाइते भएको खेलमा वायरन म्युनिख मुस्किलले हारबाट बचेको छ। शनिबार राति भएको जर्मन बुन्डेसलिगाको खेलमा वायरन म्युनिख र बोरुसिया डर्टमन्ड बिच १–१ गोलको बराबरी भएको हो।

पहिलो हाफमा जेमी गिटेनले एकल प्रयासमा गरेका गोलमा भिन्सेन्ट कम्पनीको प्रशिक्षणमा रहेको म्युनिख पराजित हुने सम्भावना देखिएको थियो।

खेल सकिन ५ मिनेट बाँकी रहँदा मुसियला जमालले बराबरी गोल गर्दै सो सम्भावना टारेका थिए। २७ औँमिनेटमा गिटेनले गोल गरेका थिए भने त्यसको ६ मिनेट पछि नै चोट बोकेर केन मैदान छाड्न बाध्य भएका थिए।

वैकल्पिक खेलाडी मिखाइल ओलिसेको क्रसमा मुसियलाले हेड गोल गर्दै वायरनको संकट टारेका थिए।

शनिबारको अर्को खेलमा वेरडर ब्रेमन र स्टुगार्ट बिच २–२ गोलको बराबरी भयो। वायर लिभरकुसेनले युनियन बर्लिनलाई २–१ ले हरायो भने उल्भसबर्गले आरबी लेपिजलाई ५–१ ले हरायो। फ्रेइबर्गले बोरुसिया मोनचेनग्लेड ब्याचलाई ३-१ ले हरायो। अर्को खेलमा अग्सबर्गले बोकुम माथिको खेलमा १–० ले सफलता पायो।

तालिकामा म्युनिख १२ खेलमा ३० अङ्कसहित शीर्ष स्थानमा छ। दोस्रो स्थानमा रहेको इन्रिच फ्रान्कफर्टको ११ खेलमा २३ तथा वायर कुसेनले १२ खेलमा २३ अङ्क छ। लेपिजको २१ तथा डर्टमन्ड र फ्रेइबर्गको २० अङ्क छ। उल्भसबर्ग १८ अङ्क सहित सातौँ तथा स्टुगार्ट १७ अङ्क सहित आठौँ स्थानमा छन्।

मोन्चेनग्लेडब्याचको पनि १७ अङ्क छ। युनियन बर्लिनको १६, ब्रेमनको १६ तथा अग्सबर्गको १५ अङ्क छ।