काठमाडौं– श्रीमान् श्रीमतीबीच सानोतिनो विवाद हुनु सामान्य कुरा हो । श्रीमान् श्रीमती मिले मात्रै परिवार पनि सुन्दर बन्छ । परिवार-परिवार मिलेर समाज बनेको हुन्छ । उखानै छ नि- श्रीमान् श्रीमतीको झगडा परालको आगो । तर बारम्बार बिनाकारण यस्ता विवाद हुनु र बढ्दै झगडामा परिणत हुनु चाहिँ चिन्ताजनक मानिन्छ ।

यस्तो स्थिति हुनुमा घरको वास्तु समस्या, कुण्डलीमा ग्रह दोष, आदि कारण हुन सक्छन् । यस्तोमा यी दोष हटाउन सकेमा दाम्पत्य जीवन सुखमय बनाउन सकिने धार्मिक विश्वास छ ।

दाम्पत्य जीवन सुखमय बनाउने उपाय

१. घरमा वास्तु दोषका कारण पैदा भएका नकारात्मक ऊर्जा झगडाका कारण बन्न सक्छन् । यस्तोमा घरको भुईँ पुछ्दा पानीमा थोरै नुन मिलाएमा घरमा शान्ति आउने विश्वास गरिन्छ ।

२. हरेक दिन बिहान बेलुका पूरै घरमा कपूर बालेर घुमाएमा यसले पनि वास्तु दोष नाश गर्ने र घरमा सकारात्मक ऊर्जा आउने धार्मिक विश्वास छ ।

३. हरेक शुक्रबार माता लक्ष्मीको उपासनासँगै भगवान् विष्णुको पनि पूजा गरेमा श्रीमान्-श्रीमती विवाद क्रमशः  घट्ने धार्मिक विश्वास छ । यसका लागि पूजामा रस भएको मिठाई अर्पित गरी दुवैले यो प्रसाद खाएमा सम्बन्धमा मधुरता आउने धार्मिक विश्वास छ ।

४. बेसारको बोटको ७ गाँठोलाई पहेँलो धागोले बाँधेर, बाँधिएको गाँठो दायाँ हातमा लिएर ‘ॐ नमो भगवते वासुदेवाय नमः’ मन्त्रको ७ पटक जप गरे श्रीमान्-श्रीमती सम्बन्धमा सुधार आउने धार्मिक विश्वास छ । यस्तोमा बाँधिएको गाँठोलाई रातो कपडामा बाँधेर बेडरूमको कसैको नजर नपर्ने स्थानमा राखे वैवाहिक जीवनमा मधुरता छाउने धार्मिक विश्वास छ ।

जी न्यूजबाट