काठमाडौँ– पाकिस्तानमा औषधिको चरम अभाव देखिएको छ । पाकिस्तानबाट प्रकाशित हुने डन अखबारका अनुसार मुलुकमा आर्थिक संकट गहिरिँदै गर्दा औषधिको अभाव देखिएको हो ।
सरकारले औषधि उत्पादनका लागि आवश्यक पर्ने कच्चा पदार्थ आयात गर्न लेटर अफ क्रेडिट (एलसी) खुला नगरेका कारण यस्तो समस्या आएको पाकिस्तान चिकित्सा संघ पीएमएले जनाएको छ । पीएमएले सरकारलाई औषधि अभावको समाधान गर्न तत्काल एलसी खुला गर्न माग गरेको छ ।
यसअघि पाकिस्तानका औषधि उत्पादकले बजारमा कृत्रिम रुपमा मूल्य बढाउनका लागि उत्पादन बन्द गर्ने गरेको बताइएको थियो । यस्तै, पाकिस्तानमा आर्थिक संकट अझै सामान्य हुन नसकेको अवस्थामा बजारमा औषधिको कालोबजारी पनि बढ्दै गएको छ ।
प्रतिक्रिया