काठमाडौँ – एसीसी प्रिमियम कप क्रिकेटको तेस्रो स्थानका लागि आज प्रतिस्पर्धा हुँदैछ।

नेपालसँग पराजित कुवेत र संयुक्त अरब इमिरेट (युएई)सँग पराजित ओमान बिच प्रतिस्पर्धा हुन लागेको हो।

जितको लागि २ सय ८१ रनको विशाल विजयी लक्ष्य पछ्याएको कुवेतले ८.३ ओभरमा ६ विकेट गुमाउँदै ३७ रन बनाइरहँदा खेल वर्षाको कारण खेल रोकिन पुगेको थियो। सो खेल रोकिए पछि समूह विजेता बन्दै नेपाल फाइनलमा प्रवेश गरेको थियो।

तेस्रो स्थानका लागि प्रतिस्पर्धामा उत्रन लागेको ओमान भने संयुक्त अरब इमिरेटसँग पराजित भएर कुवेतसँग प्रतिस्पर्धामा उत्रन लागेको हो। डकवर्थ लुईस पद्धतिमा २ रनले युएईसँग पराजित ओमानले तेस्रो स्थानका लागि आफ्नो सम्पूर्ण मेहनत खर्चिने भएको छ।