काठमाडौं – उच्च अदालत पाटनले यशोदा फुड्सको उत्पादन करेन्ट चाउचाउको उत्पादन र बिक्री तत्कालका लागि रोक्न अन्तरकालिन आदेश जारी गरेको छ ।

उच्च अदालत पाटनको संयुक्त इजलासले यशोदा फुड्सलाई यो मुद्दाको अन्तिम टुङ्गो नलागेसम्म उत्पादन र बिक्री नगर्न अन्तरकालीन आदेश जारी गरेको हो ।

यशोदा फुड्सले वाईवाईको ट्रेडमार्क नक्कल गरी आफ्नो उत्पादन गरेको भन्दै सीजी फुड्स अदालत गएको थियो । उच्च अदालत पाटनले सीजीको निवेदन हाल विभिन्न निकायमा विचारणीय अवस्थामा रहेकाले मुद्दाको टुङ्गो नलागेसम्म विचाराधीन विषय यथास्थितिमा राख्न आदेश दिएको छ ।

(यसअघि न्युज कारखाना एजेन्सीले पठाएको समाचारमा तथ्यगत त्रुटि भएकाले सच्याइएको छ – सं)