काठमाडौँ– इंग्लिस प्रिमियर लिग फुटबलमा सानदार जित निकाल्दै आर्सनल तालिकाको दोस्रो स्थानमा उक्लिएको छ ।
गएराति भएको खेलमा सेफिल्ड युनाइटेडलाई ५–० गोल अन्तरले पराजित गर्दै आर्सनल दोस्रो स्थानमा उक्लिएको हो ।
आर्सनलका एडवार्ड निकेठाले ह्याट्रिक गरे । यस्तै फावियो फेरेरा र टेकेहेरो तोमियसुले एक–एक गोल गरेका थिए । एडवार्डले खेलको २८औँ, ५०औँ र ५८औँ मिनेटमा गोल गरेका थिए ।
यो जितसँगै आर्सनल १० खेलबाट २४ अंकका साथ तालिकाको दोस्रो स्थानमा उक्लँदा पराजित भएको सेफिल्ड १ अंकसहित पुछारमा छ । शीर्ष स्थानमा रहेको टोटनह्यामको २६ अंक छ । एक खेल कम खेलेको म्यानचेस्टर सिटी २१ अंकका साथ तेस्रो स्थानमा रहेको छ ।
प्रतिक्रिया