काठमाडौँ– पाकिस्तानको इस्लामावाद उच्च अदालतले पूर्वप्रधानमन्त्री एवम् पाकिस्तान तहरिक इन्साफका अध्यक्ष इमरान खानमाथिको सजायमा रोक लगाएको छ । सरकारी उपहार अर्थात् तोशाखाना भ्रष्टाचार मुद्दामा उच्च अदालतले खानमाथिको सजायमा रोक लगाएको हो ।

उच्च अदालतले खानलाई धरौटीमा छाड्न समेत आदेश दिएको छ । मुख्य न्यायाधीश अमिर फारुक र न्यायाधीश महमुद जहाँगिरको इजलासले खानको पुनरावेदन निवेदनमाथि सुनुवाई गर्दै यस्तो फैसला सुनाएको हो ।

यसअघि गत अगस्ट ५ मा इस्लामावाद ट्रायल कोर्टले भ्रष्टाचार मुद्दामा खानलाई दोषी ठहर गर्दै ३ वर्षको जेल र एक लाख पाकिस्तानी रुपैयाँ जरिवानाको सजाय सुनाएको थियो । यससँगै उनी ५ वर्षका लागि चुनाव लड्न अयोग्य भएका थिए ।