काठमाडौँ- भिसा प्रक्रियालाई थप सहज बनाउन भारतको कोल्कातास्थित रेलवे स्टेशनमा बंगलादेशको भिसा सूचना केन्द्र स्थापना गरिएको छ । भारतलाई बंगलादेशको ढाका र खुलनासँग जोड्ने महत्वपूर्ण रेलवे स्टेशन मानिएको कोल्कातामा भिसा सूचना केन्द्र स्थापना गरिएको हो ।

कोल्काता रेलवे स्टेशनमा स्थापित उक्त केन्द्रले विदेशी यात्रुहरूलाई बंगलादेश जाने रेलमा भिसा सेवाहरू उपलब्ध गराउने भारतको पूर्वी रेलवेले जनाएको छ ।

यस केन्द्रले बंगलादेशका यात्रुलाई पनि उनीहरूको भिसा प्रक्रियाबारे जानकारी गराउने बताइएको छ ।

कोल्कातामा भिसा सूचना केन्द्र स्थापना भएसँगै अब साल्ट लेक, कोल्काता र सिलगढीका आवेदन केन्द्रहरूबाट समेत वाकइनमार्फत पूर्व अपोइन्टमेन्ट नलिई भिसा फाइल गर्न सकिने भारतीय सञ्चारमाध्यमले जनाएका छन् ।