काठमाडौँ- जनता समाजवादी पार्टीले कोशी प्रदेश नामकरणको विरोधमा भएको आन्दोलनमा ज्यान गुमाएका पदम लिम्बुलाई शहीद घोषणा गरी परिवारलाई उचित क्षतिपूर्ति उपलब्ध गराउन माग गरेको छ ।
५ चैतमा विराटनगरमा भएको प्रदर्शनका क्रममा प्रहरीको लाठी चार्जबाट टाउकोमा चोट लागि गम्भीर घाइते भएका लिम्बुको उपचारका क्रममा १० चैतमा वीपी कोइराला स्वास्थ्य विज्ञान प्रतिष्ठानमा मृत्यु भएको थियो । उनलाई शहीद घोषणा गर्न भन्दै जसपा प्रवक्ता मनिस सुमनले मंगलबार एक विज्ञप्ति जारी गरेका हुन्।
साथै उनले आन्दोलनमा घाइते भएकाहरुको उचित स्वास्थ्य उपचारको व्यवस्था मिलाउन पनि सरकारसमक्ष माग गरेका छन् ।
हेर्नुस् विज्ञप्ति
प्रतिक्रिया