काठमाडौं– खुल्ला विश्वविद्यालयका विद्यार्थीलाई अधिवक्ताको परीक्षामा सामेल नगराएर नेपाल कानुन व्यवसायी परिषद (बार काउन्सिल) ले अदालतको अवहेलाना गरेको भन्दै सर्वोच्च अदालतमा दर्ता गर्न गएको रिट अस्विकार भएको छ ।

गत शुक्रबार सर्वोच्च अदालतको संवैधानिक इजलासले खुला विश्वविद्यालयबाट एलएलबी उत्तीर्ण गरेका विद्यार्थीलाई पनि अधिवक्ताको परीक्षामा सहभागी गराउन आदेश दिएको थियो । काउन्सिलले लिने अधिवक्ताको परीक्षा यही पुस १३ र १४ गते हुँदैछ । काउन्सिलले खुला विश्वविद्यालयका परीक्षार्थीलाई यो परीक्षामा सहभागी नगराउने भएको छ ।

परिषदले सर्वोच्चको आदेश नमानेर अदालतको अवहेलना गरेको भन्दै परीक्षार्थीका तर्फबाट मनिषा गौतमले विहीबार सर्वोच्चमा रिट दर्ता गर्न गएकी थिइन् । तर, सर्वोच्चले उक्त रिट दर्ता नगरेको बताइएको छ ।

यसअघिको समाचारमा दर्ता भन्ने उल्लेख भएकोमा क्षमा याचनासहित सच्याइएको छ – सं