पोखरा- पोखरामा ४ तोला सुनजस्तो देखिने पहेँलो धातुसहित एक जना पक्राउ परेका छन् ।
पोखरा महानगरपालिका ३२ मजुवाबाट बिल नभएको सुनजस्तो देखिने करिब ४ तोला बराबरको पहेँलो धातुसहित तनहुँ भिमाद नगरपालिका ६ शिव सुन चाँदी पसलमा काम गर्ने भारत घर भएका २६ वर्षीय शुशान्त आर्यालाई प्रहरीले पक्राउ गरेको हो ।
वडा प्रहरी कार्यालय गगनगौडाबाट खटिएको प्रहरीले ग १ ख ३८१९ नम्बरको बसलाई जाँच गर्ने क्रममा बसमा सवार उनलाई प्लास्टिकको बट्टाभित्र लुकाई छिपाई ल्याएको उक्त धातुसहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
प्रतिक्रिया