इस्लामावाद- पाकिस्तानी जेलमा अफगान शरणार्थीहरु दुर्व्यवहारको सिकार भइरहेको पाइएको छ ।

अफगानिस्तानको टोलो न्युजका अनुसार पछिल्ला केही सातामा पाकिस्तानले दर्जनौँ अफगान शरणार्थीलाई पक्राउ गरी जेल हालेको छ । आवश्यक कागजात नभएको भन्दै पाकिस्तानले अफगान शरणार्थीलाई पक्राउ गरी जेल हालेको टोलो न्युजले जनाएको छ ।

पाकिस्तानी जेलमा रहेका अफगान शरणार्थीहरुले अफगानिस्तानमा शासन चलाइरहेको तालिबानको अन्तरिम सरकारसमक्ष आफ्नो समस्या सम्बोधन गरिदिन पनि माग गरेका छन् ।

पाकिस्तानको कराँची सहरमा रहेको अफगान वाणिज्य दूतावासका प्रमुख अब्दुल जबार टखारीले पाकिस्तानले जेलमा रहेका अफगान शरणार्थीहरुलाई रिहा गर्नुपर्ने उल्लेख गरेका छन् ।

जेलमा रहेको धेरै अफगानहरु उपचारका लागि पाकिस्तान आएको उल्लेख गर्दै उनले यस विषयलाई पाकिस्तान सरकारले ध्यान दिनुपर्ने बताएका छन् ।