रोल्पामा मोटरसाइकल दुर्घटना हुँदा चालकको मृत्यु

१४ जेष्ठ २०८०, आइतबार

पढ्न लाग्ने समय : < 1 मिनेट

सांकेतिक तस्बिर

काठमाडौँ – रोल्पाको सुनिलस्मृति गाउँपालिका–२, चतुर्भुज मोडमा शनिबार साँझ मोटरसाइकल दुर्घटना हुँदा चालकको मृत्यु भएको छ।

मृत्यु हुनेमा प्युठानको स्वर्गद्वारी नगरपालिका–८, धनचौरका १६ वर्षीय सागर सापकोटा रहेका छन्।

दुर्घटनामा घाइते भएका उनको प्राथमिक स्वास्थ्य केन्द्र सुलिचौरमा उपचारको क्रममा शनिबार बेलुकी सवा ७ बजे मृत्यु भएको प्रहरीले जनाएको छ।

शनिबार साँझ साढे ६ बजे लु ८७ प २०६८ नम्बरको मोटरसाइकल स्टार्ट गरेर घुमाउने क्रममा सडकबाट करिब ३५ मिटर तल खसेको जनाइएको छ।

प्रकाशित मिति : १४ जेष्ठ २०८०, आइतबार ९ : ५३ बजे

प्रतिक्रिया