नयाँ दिल्ली- भारत सरकारले सूचना प्रविधिको हार्डवेयर क्षेत्रमा ३० अर्ब भारतीय रुपैयाँ बराबरको लगानी स्वीकृत गरेको छ । सूचना प्रविधिमन्त्री अश्विनी वैष्णवले २७ कम्पनीको लगानी प्रस्ताव स्वीकृत गरिएको जानकारी दिए । उनले कूल ४० यस्ता प्रस्ताव प्राप्त गरेको जनाए ।

सरकारले जारी गरेको विज्ञप्तिमा डेल, हेल्वेट पकार्ड, फक्सकनजस्ता कम्पनीले गरेका लगानी प्रस्ताव स्वीकृत गरिएको जनाइएको छ ।

भारतले मुलुकमा ल्यापटप र ट्याबलेटजस्ता विद्युतीय सामग्रीको उत्पादनलाई दोब्बर पार्ने लक्ष्य लिएको छ ।

गल्फ न्युजले जनाएअनुसार भारत सरकारले सन् २०२६ सम्म सूचना प्रविधि एवम् विद्युतीय सामग्रीको उत्पादन ३ खर्ब डलर बराबर पुर्‍याउने लक्ष्य लिएको छ ।