काठमाडौं– सामाजिक सञ्जालको दुरुपयोग गरी ठगी गरेको आरोपमा प्रहरीले एक महिलालाई पक्राउ गरेको छ ।
पक्राउ पर्नेमा झापाको बिर्तामोड नगरपालिकाकी कमला मिश्र रहेकी छन् । ३४ वर्षीय मिश्रलाई काठमाडौँबाट पक्राउ गरिएको प्रहरीले जनाएको छ । उनले विभिन्न व्यक्तिबाट तीन लाख ३० हजार ठगेको उजुरी प्रहरीमा परेको छ ।
विदेशी नागरिकको नाममा फेसबुक आइडी बनाएर उनले जन्मदिनमा आईफोन, घडी उपहार पठाएको छु भन्दै ठगी गरेको प्रहरीले बताएको छ।
कुरियरमार्फत सामान पठाएको बहाना बनाएर मिश्रले एयरपोर्टमा सामान आइपुगेको भन्दै ‘कस्टम चार्ज’ र ‘डेलिभरी चार्ज’ मागेर ठगी गर्ने गरेकी थिइन् ।
प्रतिक्रिया