धनुषा- हत्या आरोपमा गत भदौं १८ मा पक्राउ परेपछि निलम्बनमा परेका मधेश प्रदेशसभा सदस्य अनिरुद्ध कुमार सिंहको निलम्बन फुकुवा भएको छ ।
सप्तरी ४ (२) बाट स्वतन्त्र निर्वाचित सांसद सिंह हत्या आरोपमा गत भदौं १८ गते पक्राउ परेपछि उनलाई प्रदेशसभाले निलम्बन गरेको थियो । कार्तिक २३ मा धरौटीमा छुटेका सिंहले निलम्बन फुकुवाको निवेदन प्रदेशसभामा दर्ता गराएका थिए ।
सोही निवेदनको आधारमा निलम्बन फुकुवा गरेको आज बसेको प्रदेशसभा बैठकमा सभामुख रामचन्द्र मण्डलले बताए । सांसद सिंह स्वतन्त्रबाट निर्वाचित भएपछि जनता समाजवादी पार्टी (जसपा)मा प्रवेश गरेका थिए ।
प्रतिक्रिया