काठमाडौं– इंग्लिस प्रिमियर लिग फुटबलमा म्यानचेस्टर युनाइटेडले एभर्टनमाथि सानदार जित निकालेको छ । आइतबार राति भएको खेलमा एभर्टनलाई ३–० गोलले हराउँदै म्यानचेस्टरले सहज जित निकालेको हो । 

म्यानचेस्टरका लागि अलेजान्ड्रो गार्नाचो, मार्कस रासफोर्ड र एन्टोनी मार्सियालले एक–एक गोल गरेका थिए । खेलको तेस्रो मिनेटमा गार्नाचोले सुरुवाती गोल गरेको गोलमा  ५६औँ मिनेटमा रासफोर्ड र ७५औँ मिनेटमा मार्सियलले दोस्रो र तेस्रो गोल गरेका थिए ।

यो जितसँगै म्यानचेस्टर युनाइटेड २४ अङ्कसहित लिगको छैटौँ स्थानमा उक्लिएको छ । पराजित भएको एभर्टन ४ अंकसहित रेलिगेसन जोनमा छ । शीर्षस्थानमा रहेको आर्सनलको ३० अङ्क छ भने म्यानचेस्टर सिटी २९ अंकसहित दोस्रो स्थानमा छ ।