काठमाडौँ– नेकपा एमाले कर्णाली प्रदेशको पहिलो अधिवेशन आजबाट सुरु भएको छ । अधिवेशनको सुर्खेतस्थित सिटी हलमा अध्यक्ष केपी शर्मा ओलीले उद्घाटन गरेका छन् ।
अधिवेशनको बन्दसत्र भोलि सुरु हुनेछ । बन्द सत्रबाट पार्टीको राजनीतिक, सांगठनिक तथा आर्थिक प्रतिवेदन पारित गर्ने कार्यक्रम रहेको एमाले कर्णालीले जनाएको छ ।
अधिवेशनमा कर्णालीका ९ जिल्लाबाट ६ सय भन्दा बढी प्रतिनिधि सहभागी भएका छन् । अधिवेशनले ५ जना पदाधिकारीसहित १ सय ३५ सदस्यीय प्रदेश कमिटी चयन गर्नेछ ।
नयाँ नेतृत्वका लागि लालबहादुर महतारा, मीनबहादुर शाही, ध्रुवकुमार शाही र राजबहादुर शाहीको दाबी छ ।
प्रतिक्रिया