काठमाडौँ- एमाले र राष्ट्रिय स्वतन्त्र पार्टीले बुधबार प्रतिनिधिसभाको बैठक अवरोध गरेका छन् । जिल्ला निर्वाचन कार्यालयलाई जिल्ला प्रशासनअन्तर्गत राख्ने गरी बजेटमा गरेको व्यवस्था सच्याउन माग गर्दै बैठक अवरोध गरेका हुन् ।

बैठक सुरु हुनेबित्तिकै रास्वपाका प्रमुख सचेतक सन्तोष परियारले बजेटमा यो गल्ती भएकाले सच्याउन माग गरे । उनले यो विषयमा अर्थमन्त्रीले जवाफ नदिएकाले जवाफ मागे ।

एमालेका सूर्य थापाले पनि यो विषयमा नसच्याउँदा सम्मका लागि सदन चल्न नसक्ने बताए । 

त्यसपछि रास्वपाका संसदीय दलका नेता रवि लामिछानेले लोकतन्त्रमा आक्रमण हुने विषयमा अर्थमन्त्रीले यो विषयमा छुट्टै जवाफ दिनुपर्ने माग गरे ।

उनीहरुले उठेर विरोध जनाउँदै उक्त निर्णय फिर्ता लिनुपर्ने र यसबारे सरकारबाट जवाफ नआउँदासम्म सदन चल्न नसक्ने अडान लिए । सभामुख देवराज घिमिरेले पटक पटक सदन चल्न दिन अनुरोध गरे ।

तर, उनीहरुले नमानेपछि सभामुख घिमिरेले मंगलबार नै बस्नेगरी १५ मिनेटका लागि बैठक स्थगित गरेका हुन् ।