काठमाडौँ- इरानको राजधानी तेहरानमा रहेको अजरबैजानको राजदूतावासमा आज बिहान भएको आक्रमणमा एक जनाको मृत्यु भएको छ । तेहरानस्थित अजेरी दूतावासमा भएको आक्रमणमा अरु दुई जना घाइते भएका छन् । घाइतेको अवस्था सामान्य रहेको बताइएको छ ।

बन्दुक बोकेर आएको आक्रमणकारीले दूतावासका सुरक्षा प्रमुखलाई दूतावासको अग्रभागमा मोटर रोक्न खोज्दा आक्रमण गरेको तेहरान प्रहरी प्रमुख होसिन रहमानीले बताएका छन् ।

उनलाई गोली प्रहार गरेपछि आक्रमणकारी बन्दुक बोकेर दूतावासभित्र प्रवेश गरेको थियो । आक्रमणका समय बन्दुकधारीका साथमा उसका दुई जना बालबच्चा पनि थिए । प्रहरीले आक्रमाणकारीलाई पक्राउ गरेको छ । पारिवारिक एवम् व्यक्तिगत कारणले बन्दुकधारीले आक्रमण गराएको प्रहरी प्रमुखले बताएका छन् ।