काठमाडौँ– पुष्पकमल दाहाल नेतृत्वको सरकारले एक वर्षमा उल्लेखनीय काम गरेको दाबी गरेको छ । प्रधानमन्त्री तथा मन्त्रिपरिषद्को कार्यलयले मंगलबार एक पुस्तिका सार्वजनिक गर्दै सबै मन्त्रालयले गरेका कामको फेहरिस्त प्रस्तुत गरेको छ ।
कार्यलयद्वारा प्रस्तुत दाबीमा यस अवधिमा सुरु गरिएका कार्य र प्राप्त उपलब्धिले राष्ट्रलाई शान्ति, स्थिरता, सुशासन र अग्रगमनतर्फ अघि बढाउन र अन्तर्राष्ट्रिय जगत्मा देशको प्रतिष्ठा र गौरव बढाउन सहयोग पुगेको उल्लेख छ ।
सरकार जनताको सुशासन, सामाजिक न्याय, विकास र समृद्धिको सपनालाई जतिसक्दो छिटो पूरा गर्न पूर्ण जिम्मेवारीबोधका साथ अघि बढिरहेको जनाउँदै नागरिकको जीवनस्तरमा गुणात्मक सुधार ल्याई जनताको विकास र सुशासनप्रतिको उच्च अपेक्षालाई सम्बोधन गर्न प्रतिबद्धता व्यक्त गरिएको छ । ‘देशलाई मध्यम आयस्तरको विकासोन्मुख मुलुकको रूपमा रूपान्तरण गर्न आगामी दिनमा थप प्रतिबद्धता र समर्पणभावका साथ काम गर्नुपर्ने खाँचो छ, सरकार त्यसतर्फ सचेत र सजग छ’, विवरणमा भनिएको छ ।
जनताको त्याग, सङ्घर्ष र बलिदानबाट स्थापना भएको सङ्घीय लोकतान्त्रिक गणतन्त्रात्मक शासन व्यवस्थाको संरक्षण र सम्वर्द्धन गर्दै लोकतान्त्रिक र अनुत्तरदायी राजनीतिक व्यवस्थाको माध्यमबाट मुलुकलाई सुशासन र अग्रगमनको दिशामा अघि बढाउन सरकार दृढ रहेको जनाइएको छ ।
राससबाट
प्रधानमन्त्रीको कार्यालयबाट सार्वजनिक गरिएको पूर्णपाठ
प्रतिक्रिया