एथेन्स- भारतीय प्रधानमन्त्री नरेन्द्र मोदीलाई ग्रीसको प्रतिष्ठित ‘ग्रान्ड क्रस अफ द अर्डर अफ अनर’ पदक बाट सम्मान गरिएको छ । ग्रीस भ्रमणका क्रममा ग्रीक राष्ट्रपति कटरिना एन साकेलारोपौलोले प्रधानमन्त्री मोदीलाई उक्त पदकबाट विभूषित गरेकी हुन् ।

प्रधानमन्त्री मोदीले सामाजिक सञ्जाल ‘एक्स’ मा तस्वीर शेयर गर्दै आफूलाई प्रदान गरिएको पदकबाट ग्रीक जनताले भारतप्रति गरेको आदर जनाउने उल्लेख गरेका छन् ।

ग्रीसले सन् १९७५ देखि यस पदक प्रदान गर्दै आएको छ । ग्रीसले यस पदक विभिन्न मुलुकका प्रधानमन्त्री एवम् विशिष्ट व्यक्तित्वहरुलाई प्रदान गर्ने गर्छ ।

यस पदकमा तारा र ग्रीक धर्ममा एथेन्स सहरकी इष्टदेवि एथेनाको तस्वीर अंकित छ भने ‘ओन्ली द राइचस सुड बि अनर्ड’ कुँदिएको छ ।