काठमाडौँ – इंग्लिस प्रिमियर लिगमा उल्भ्स विजयी भएको छ ।
मंगलबार राति घरेलु मैदान मोलिनक्स स्टेडियममा भएको खेलमा उल्भ्सले क्रिस्टल प्यालेसलाई २–० ले पराजित गरेको हो ।
उल्भ्सले एउटा आत्मघाती गोल उपहार पाएको थियो भने अर्को पेनाल्टीमा गोल हानेको थियो ।
पहिलो हाफको सुरुवाती अर्थात् तेस्रो मिनेटमा नै क्रिस्टलका जोआचिम एन्डरसेनको आत्मघाती गोलबाट उल्भ्सले १–० को अग्रता लिन सफल भयो । इन्ज्युरी समयको चौथो मिनेटमा नेभेसले पेनाल्टीमा गोल गर्दै उल्भ्सको जित पक्का गरे ।
यस जितसँगै उल्भ्स ३३ खेलबाट ३७ अंक जोडेर १३औं स्थानमा उक्लिएको छ, समान ३७ अंक रहेको क्रिस्टल प्यालेस गोल अन्तरमा अघि छ ।
प्रतिक्रिया