काठमाडौँ– नेकपा एमालेका महासचिव शंकर पोखरेलले अध्यक्ष केपी शर्मा ओलीमाथि विभिन्न कोणबाट प्रहार भइरहेको बताएका छन् ।

आज समाजिक सञ्जाल फेसबुकमार्फत उनले अध्यक्ष ओलीलाई विभिन्न हिसाबका लाञ्छना लगाउनु राष्ट्र र जनताको भविष्यमाथिकै प्रहार भएको टिप्पणी गरेका छन् ।

उनले कहिले टेलिकमको नयाँ भवनको फोटो राखेर केपी ओलीको घर भन्ने, कहिले कम्बोडियाको टेलिकममा केपी ओलीको लगानी भनेर भ्रम छर्ने खेती भइरहेको भन्दै यस्ता खाले षड्यन्त्रविरुद्ध गम्भीर बन्नुपर्ने बताएका छन् । 

महासचिव पोखरेलले वैचारिक र राजनीतिक रूपमा स्खलित भएकाहरूको हतियार नै भ्रम सिर्जना गर्नु रहेको समेत बताएका छन् । सुशासन र विकासका प्रश्नमा सबैभन्दा योग्य व्यक्ति पार्टी अध्यक्ष केपी शर्मा ओली नै भएको उनको जिकिर छ ।