काठमाडौँ– फ्रेन्च लिग वान फुटबलमा पेरिस सेन्ट जर्मेन (पीएसजी) ले फराकिलो जित निकालेको छ । 

गएराति भएको खेलमा मार्सेलाई ४–० गोलले हराउँदै पीएसजीले फराकिलो जित निकालेको हो । 

पीएसजीका लागि गोन्कालो रामोसले दुई तथा अचर्फ हाकिमी र रान्डल कोलो मुआनीले एक–एक गोल गरेका थिए । 

यो जितसँगै पीएसजी ६ खेलबाट ११ अंकका साथ तालिकाको तेस्रो स्थानमा रहेको छ । पराजित भएको मार्से ९ अंकका साथ सातौँ स्थानमा छ । 

यो खेलमा पीएसजीका स्टार खेलाडी केलिएन एम्बाप्पे घाइते भएका थिए । जसका कारण उनीले ३२औँ मिनेटमै मैदान छाडेका थिए । 

एंकल इन्जुरीका कारण मैदान छाडे पनि उनको अवस्था सामान्य रहेको प्रशिक्षक लुइस इनरिकले पुष्टि गरेका छन् । 

एम्बाप्पेले मैदान छाड्दा पीएसजीले १–० को अग्रता बनाएको थियो भने पछि ३ गोल थपेको थियो ।