काठमाडौँ- सत्तामा रहेका दलहरुले लोकतन्त्र दिवसप्रति उदासिनता र हिंसात्मक जनयुद्धप्रति अनुराग देखाएको भन्दै अधिकारकर्मीहरुले निन्दा गरेका छन् ।

सत्रौँ लोकतन्त्र दिवसका अवसरमा मंगलबार मानव अधिकार तथा शान्ति समाजले आयोजना गरेको कार्यक्रममा अधिकारकर्मीहरुले वैशाख ११ गतेको लोकतन्त्र दिवसलाई राष्ट्रिय उत्सवका रुपमा मनाउनुपर्नेमा जोड दिएका छन् ।

शान्ति समाज रुपन्देही शाखाद्वारा बुटवलमा आयोजित अन्तरक्रियामा बोल्दै शान्ति समाजका निवर्तमान सभापति एवं सल्लाहकार गोविन्द खनालले नागरिकहरुमा बढ्दो असन्तोष विशेषत युवा पुस्तामा बिद्रोहको भावना बढ्न थालेको र राष्ट्रले समयमै सम्बोधन गर्न नसके विष्फोटको खतरा रहेको बताए ।

२०६२/६३ को ऐतिहासिक जनआन्दोलनको पृष्ठभूमिमा योगदान गरेको मानव अधिकार तथा शान्ति समाजले लोकतन्त्र दिवस वैशाख ११ लाई सदैव राष्ट्रिय उत्वसको रुपमा मनाउन आह्वान गर्दै आएको छ ।