काठमाडौँ– अस्ट्रेलियाका सुकुम्बासी, सामाजिक तथा सामुदायिक आवासमन्त्री माइकल सुक्करले हिन्दू मन्दिरमा तोडफोडका घटना नियन्त्रण गर्न आफ्नो सरकार गम्भीर रहेको जनाएका छन् । केही खालिस्तान पृथकतावादी समर्थकहरूको गतिविधि र हिंसाप्रति अस्ट्रेलियाले शून्य सहनशीलताको नीति लिएको उनको भनाइ छ ।

भारतीय समाचार संस्था एएनआईलाई दिएको अन्तरवार्तामा अस्ट्रेलियाका मन्दिरलाई लक्षित गर्दै भएका तोडफोडका घटनाबाट धेरै भारतीय चिन्तित रहेको मन्त्री सुक्करले बताए । उनले कुनै पनि हालतमा यस्ता हिंसात्मक कार्य सह्य नहुने पनि बताए ।

उनले भारत र अस्ट्रेलियाबीचको सम्बन्ध निकै महत्वपूर्ण रहेको पनि बताए । अन्तरवार्तामा उनले अस्ट्रेलियामा रहेको भारतीय प्रवासी समुदायले पनि दुई मुलुकबीचको सम्बन्धलाई महत्वपूर्ण बनाएको टिप्पणी गरे ।