श्रीनगर- जम्मु र कश्मीरलाई भारतका अन्य भागसँग जोड्ने रामवन भायडक्टको निर्माण पूरा भएको छ । भारतका केन्द्रीय यातायातमन्त्री नितिन गडकरीले रामवन भायाडक्टको निर्माण सफलतापूर्वक सम्पन्न भएको जानकारी दिए ।

१।०८ किलोमिटर लम्बाईको चार लेन निर्माण गर्न ३ सय २८ करोड भारतीय रुपैयाँ खर्च भएको भारतीय सञ्चार माध्यमले जनाएका छन् । यस भायाडक्टको संरचनात्मक डिजाइनमा कंक्रीट र स्टिल गर्डरको प्रयोग गरिएको छ ।

यो आयोजनाले राष्ट्रिय राजमार्ग–४४ को उधमपुर–रामवन खण्डलाई जोड्नेछ । २६ स्प्यानमा बनेको यस भायाडक्टको काम सम्पन्न भएसँगै रामवन बजारको बजारको ट्राफिक जाममा कमी आउने अपेक्षा गरिएको छ ।

यस आयोजनाको निर्माणसँगै जम्मु कश्मीरमा पर्यटन क्षेत्रलाई पनि टेवा पुग्ने अपेक्षा गरिएको छ ।