काठमाडौँ- राष्ट्रिय स्वतन्त्र पार्टीका सभापति एवम् प्रतिनिधिसभा सदस्य रवि लामिछानेले सुन तस्करी प्रकरणमा राज्यको अनुसन्धान अलमलिएको आभास भएको टिप्पणी गरेका छन् ।

सिंहदरबारमा आइतबार बसेको प्रतिनिधिसभा अन्तगर्तको राज्यव्यवस्था तथा सुशासन समिति बैठकमा सभापति लामिछानेले गृहमन्त्रीले राम्रो काम गरेको भनी आफूले रोस्ट्रमबाट धन्यवाद ज्ञापन गरेको स्मरण गर्दै अहिले भने यस प्रकरणमा सरकार अलमलिएजस्तो भएको टिप्पणी गरे ।

यस प्रकरणको अनुसन्धानबाट ठूलो अपेक्षा राखिएको भएपनि अहिले भद्दा मजाकजस्तो भएको उनको टिप्पणी छ । उनले यस अनुसन्धान बम होला भन्ने अपेक्षा गरिएको भएपनि पटाका र सलाइको काँटीजत्ति पनि नपड्किएको उनको भनाइ छ ।