काठमाडौँ– साउदी प्रो लिग फुटबलमा अल नासरले सानदार जित निकालेको छ । गए राति भएको खेलमा अल इत्तिफाकलाई ३–१ गोलले हराउँदै अल नासर विजयी भएको हो ।
अल नासरका लागि क्रिस्टियानो रोनाल्डो, एलेक्स टेल्लेज र मार्सेलो ब्रोजोभिकले एक–एक गोल गरेका थिए । अल इत्तिफाकका लागि मोहमद अल कुवायकिबीले एक गोल फर्काएका थिए ।
यो जितपछि अल नासर १७ खेलबाट ४० अंक जोड्दै दोस्रो स्थानमा रहेको छ । पराजित भएको अल इत्तिफाक १८ खेलबाट २४ अंकसहित आठौँ स्थानमा छ ।
यस्तै, १८ खेल खेलेको अल हिलाल अहिलेसम्म अपराजित रहेको छ । अल हिलाल ५० अंकका साथ तालिकाको शीर्षस्थानमा रहेको छ ।
प्रतिक्रिया