काठमाडौँ– इंग्लिस प्रिमियर लिग फुटबलमा एस्टन भिल्ला र शेफिल्ड युनाइटेडले बराबरी खेलेका छन् । आज बिहान सम्पन्न खेलमा दुवै टोलीले १–१ गोलको बराबरी खेल्दै अंक बाँडेका छन् ।

भिल्लाका लागि निकोलो जनिओलो तथा शेफिल्डका क्यामेरोन आर्चरले एक–एक गोल गरेका थिए ।

खेलको ८७औँ मिनेटमा शेफिल्डका आर्चरले गरेको सुरुवाती गोलको अग्रतालाई रोक्दै भिल्लाका निकोलोले इन्जुरी समयको सातौँ मिनेटमा गोल गर्दै टोलीलाई हारबाट जोगाएका थिए ।

यो खेल जितेको खण्डमा भिल्ला शीर्षस्थानमा पुग्ने अवसर रहेको थियो । तर बराबरी भएसँगै भिल्ला १८ खेलबाट ३९ अंकका साथ दोस्रो स्थानमा रहेको छ ।

एक खेल कम खेलेर पहिलो स्थानमा रहेको आर्सनलको पनि ३९ अंक नै रहेको छ । १९ खेलबाट ९ अंक जोडेको शेफिल्ड अन्तिमबाट दोस्रोमा छ ।