काठमाडौँ– काठमाडौँको बल्खुमा राष्ट्रिय युवा संघ नेपाल र दुर्गा प्रसाईं समूहका समर्थकबीच झडप भएको छ ।

कालीमाटीबाट युवा संघका कार्यकर्ता बल्खु प्रवेश गरेपछि दुई समूहबीच झडप भएको हो ।

झडपको अवस्था बनेपछि प्रहरीले दुवै समूहका कार्यकर्तालाई आआफ्ना कार्यक्रमस्थलतिर जान माइकिङ गरिरहेको छ ।

युवा संघको एक समूहले बल्खुमा पुगेर ढुंगामुढा गरेपछि दुर्गा प्रसाईंका कार्यकर्ता आक्रोशित बनेका थिए । प्रसाईं समूहका एक प्रदर्शनकारीले भने, ‘हामी अब गुण्डाहरूलाई देशबाट लखेट्छौँ ।

अर्का प्रदर्शनकारीले थपे, ‘लोकतन्त्रमा आवाज उठाउँदा आज आक्रमण भयो । आज आक्रमण गर्न गुण्डा पठाइयो ।  हामीलाई स्थान दिएको बल्खुमा उनीहरु किन आएको ?’

https://www.facebook.com/khabarhubofficial/videos/370409948772748