काठमाडौँ– इटालियन सिरी ए फुटबलमा युभेन्ट्सले जित निकालेको छ । गएराति सान सिरोमा भएको खेलमा एसी मिलानलाई १–० गोलले हराउँदै युभेन्ट्सले जित निकालेको हो ।

युभेन्ट्सका लागि म्यानुयल लोकाटेलीले गोल गरेका थिए । उनले खेलको ६३औँ मिनेटमा गरेको गोल नै युभेन्ट्सको जितका लागि निर्णायक बनेको थियो । 

यो जितसँगै ९ खेलबाट २० अंक जोडेको युभेन्ट्स तालिकाको तेस्रो स्थानमा उक्लिएको छ । पराजित भएको मिलान २१ अंकसहित दोस्रो स्थानमा छ ।

स जितले युभेन्ट्स ९ खेलबाट २० अंक जोडेर तेस्रो स्थानमा उक्लिएको छ । पराजित मिलान २१ अंकसहित दोस्रो स्थानमा छ । यो हारबाट मिलानले शीर्षस्थानमा उक्लने अवसर गुमाएको छ । शीर्षस्थानमा रहेको इन्टरको २२ अंक छ ।