काठमाडौं – नेकपा एमालेका महासचिव शंकर पोखरेलले ‘समृद्ध नेपाल सुखी नेपाली’ बनाउने राजनीतिक अभियानमा जोडिन आग्रह गरेका छन् ।

सामाजिक सञ्जाल फेसबुकमार्फत महासचिव पोखरेलले अराजकताको विरोध गर्दा, जातिय र धार्मिक अतिवाद विरोध गर्दा एमाले कमजोर नहुने बताए ।

दलाल र नोकरशाह तथा तस्करतन्त्र र कालोबजारीको विरोध गर्न एमालेका युवा र विद्यार्थी जागेको भन्दै उनले यसबाट नेकपा एमाले कमजोर नहुने तर्क गरे ।

सरकारको अकर्मण्यता र नालायकिपन तथा प्रतिगामी तत्वहरुको अराजकताका विरुद्धमा टुलुटुलु हेरेर रमिते बन्दा मात्रै एमाले कमजोर हुने भन्दै उनले एमालेको राजनीतिक अभियानमा साथ दिन आग्रह गरेका छन् ।

मंशिर ७ गते नेकपा एमालेको भातृ संगठन युवा संघले उपत्यकामा प्रदर्शनको तयारी गरेको छ ।