काठमाडौँ- नेकपा एकीकृत समाजवादीका प्रमुख सचेतक मेटमणि चौधरीले नेकपा एमाले अध्यक्ष एवं पूर्वप्रधानमन्त्री केपी शर्मा ओली चाँडै पक्राउ पर्ने दाबी गरेका छन् ।
मंगलबार संसद भवनबाहिर सञ्चारकर्मीसँगको कुराकानीका क्रममा चौधरीले यही वर्षभित्र ओली पक्राउ पर्ने दाबी गरेका हुन् ।
उनले सुन तस्करीमा ओलीको पनि संलग्नता रहेको दाबी गरे । उनले ओली पक्राउ पर्ने डरले एमालेले संसदमा अवरोध गरिरहेको पनि आरोप लगाए ।
सबै काण्डमा ओलीको नाम आएपनि किन पक्राउ नगरेको भनेर आफूले गृहमन्त्री नारायणकाजी श्रेष्ठलाई प्रश्न गरेकोसमेत उनको भनाइ छ ।
प्रतिक्रिया