काठमाडौँ – अवैध लागूऔषधहसहित दुई जना पक्राउ परेका छन् ।

पक्राउ पर्नेमा धादिङको पर्वत फलेवास नगरपालिका १० बस्ने ३४ वर्षीय राज कुमार क्षेत्री रहेका छन् ।

उनलाई बेनिघाट रोराङ गाउँपालिका ९ मझिमटारबाट अवैध लागूऔषध गाँजा ४ किलो १ सय १० ग्रामसहित  सोमबार बिहान प्रहरीले पक्राउ गरेको हो ।

काठमाडौँबाट पोखरातर्फ जाँदै गरेको बा.२ ख १४१० नम्बरको हाइसलाई जाँच गर्ने क्रममा हाइसमा सवार उनलाई उक्त गाँजा सहित फेला पारी प्रहरीले पक्राउ गरेको हो ।

त्यसैगरी, पर्साको वीरगन्ज महानगरपालिका १६ रजतजयन्ती चोकबाट नियन्त्रित लागूऔषध फेनारगन २९ एम्पुल, डाइजेपाम २९ एम्पुल र नुर्फिन २९ एम्पुलसहित मकवानपुर हेटौँडा उपमहानगरपालिका १३ पदमपोखरी बस्ने २७ वर्षीय गोबिन्द लोप्चनलाई सोमबार बिहान प्रहरीले पक्राउ गरेको छ ।

प्रहरी चौकी ईनार्वा र लागूऔषध नियन्त्रण व्यूरो पर्साबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त लागूऔषधसहित फेला पारी पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले  जनाएको छ ।