काठमाडौँ- भारतीय प्रधानमन्त्री नरेन्द्र मोदीले गौतम बुद्धको मार्ग भविष्यको मार्ग भएको बताएका छन् । विश्व बौद्ध सम्मेलनलाई सम्बोधन गर्दै प्रधानमन्त्री मोदीले बुद्धको मार्ग भविष्यको साथसाथै दिगोपनिको पनि मार्ग भएको बताए ।

सम्बोधनका क्रममा उनले विश्वले बुद्धको उपदेशलाई पालना गरेको भए जलवायु परिवर्तनजस्तो संकट पनि देखा नपर्ने टिप्पणी गरे ।

उनले संयुक्त राष्ट्रसंघमा भारतले विश्वलाई ‘युद्ध’ नभई ‘बुद्ध’ दिएको भन्ने वक्तव्यको पनि स्मरण गरे । बुद्धकै प्रेरणाबाट प्रभावित भएर विश्वमा भारतले धेरै क्षेत्रमा नयाँ पहल थालेको पनि उल्लेख गरे ।

भारतले विश्वका विभिन्न देशमा शान्ति अभियान वा टर्कीको भूकम्पजस्तो विपत्तिमा भारतले आफ्नो पूर्ण क्षमता प्रयोग गरेर मानवताको पक्षमा काम गरेको बताए ।