काठमाडौँ- नेकपा एकीकृत समाजवादीका सम्मानित नेता झलनाथ खनालले आफ्नो पार्टीका कसैलाई पनि राष्ट्रपतिको अफर नगरिएकाले यो विषयको ‘च्याप्टर क्लोज’ भएको बताएका छन् ।

आन्दनगरस्थित पार्टी कार्यालयमा बसेको सचिवालय बैठकपछि सम्मानित नेता खनालले राष्ट्रपतिका लागि कसैले प्रस्ताव नगरेकाले सो बिषयको ‘च्याप्टर क्लोज’ भएको बताएका हुन् ।

‘सचिवालय बैठकमा अध्यक्ष माधवकुमार नेपालले अहिलेको परिस्थिति र नेताहरूसँग भएका भेटवार्ताबारे ब्रिफिङ गर्नुभयो, राष्ट्रपति प्रस्ताव आएको भन्नेबारे केही भन्नु भएन त्यसकारण यो हल्ला मात्रै रहेछ भन्ने बुझ्नुपर्‍यो,’ खनालले बैठक पछि भने, ‘राष्ट्रपति निर्वाचन सम्बन्धमा कुनै पार्टीले प्रस्ताव गरेको छैन, यो च्याप्टर क्लोज भयो । कसैले प्रस्ताव गरे धारणा बनाउने हो ।’

उनका अनुसार बैठकले संसदमा रहेका सबै दलहरूसँग राष्ट्रतिका विषयमा छलफल गर्ने निर्णय गरेको छ ।