काठमाडौँ– मोरङका विभिन्न ठाँउ लगायत विराटनगरमा बडा दशैँको सतौँ दिन शनिबार परम्परागत रुपमा फूलपाती भित्र्याइएको छ ।

विराटनगरको जिल्ला अदालतबाट बाजागाजा सहित निस्किएको धार्मिक र्यालीले फूलपाती बढाई गर्दै नगरको विभिन्न भागको परिक्रमा गरेको थियो । फूलपाती भित्र्याउनु अघि र पछि नेपाल प्रहरी र सशस्त्र प्रहरीले दसैँघर स्थित दुर्गा भवानीको मूर्तिमा सम्मान अर्पण गरेको थियो । 

दुर्गा भवानीको प्रतिमा राखिएको दशैँघरमा उखु , अदुवा , बेलपत्र , दारिम ,अशोकको फूल लगायतका नवपत्रिका (फुलपाती) भित्र्याइने) परम्परा रहेको छ । फूलपातीको दिन देखि शक्तिपिठहरुमा पूजाआजाका लागि भिडभाड बढ्ने गर्दछ । यसैगरी मोरङका शक्तिपिठहरुमा पूजाआजा गर्नेको घुँइचो लागेको छ । 

विराटनगरको काली मन्दिरमा सयौं भक्तजनहरूले पूजाआजा गरेका छन् ।