काठमाडौं– एसियाली विकास बैंक (एडीबी) ले २०२३ मा नेपालको आर्थिक वृद्धिदर ४.३ प्रतिशतमा सीमित रहने प्रक्षेपण गरेको छ ।

बुधबार ‘एसियन डेभलपमेन्ट आउट लुक २०२३’ रिपोर्ट सार्वजनिक गर्दै एडीबीले कोभिड महामारीपछि लगातार २ वर्ष बलियो आर्थिक वृद्धि हासिल गरे पनि गत आर्थिक वर्षमा वृद्धिदर अपेक्षित भन्दा बढी नै घटेको उल्लेख गरेको छ ।

गत आर्थिक वर्षमा आर्थिक वृद्धिदर १.९ प्रतिशतमा सीमित भए पनि यस वर्ष भने नेपालको आर्थिक वृद्धिदर विस्तार हुँदै ४.३ प्रतिशत पुग्ने एडीबीले आफ्नो रिपोर्टमा उल्लेख गरेको छ ।

यस्तै, चालु आर्थिक वर्षमा नेपालको मुद्रास्फीति (उपभोग्य बजार महंगी) समेत घटेर ६.२ प्रतिशत हाराहारीमा सीमित हुने एडीबीको प्रक्षेपण छ ।

गत वर्ष यस्तो मुद्रास्फीति ७.७ प्रतिशत पुगेको एडीबीको रिपोर्टमा उल्लेख छ ।