बेइजिङ- चीनका राष्ट्रपति सी जिन्पिङ र अमेरिकाका पूर्वविदेशमन्त्री हेनरी किसिन्जरबीच भेटवार्ता भएको छ । सन् सत्तरीको दशकमा चीन र अमेरिकाबीच कूटनीतिक सम्बन्ध स्थापनामा विदेशमन्त्री किसिन्जरले अहम् भूमिका निर्वाह गरेका थिए ।

त्यसबेला उनी अमेरिकाको राष्ट्रिय सुरक्षा सल्लहकार थिए । एक सय वर्षीय किसिन्जरको यो एक सयौँ चीन भ्रमण हो । राष्ट्रिय सुरक्षा सल्लाहकार किसिन्जरको भ्रमणपछि तत्कालीन अमेकिरीकी राष्ट्रपति रिचर्ड निक्सनले चीनको ऐतिहासिक भ्रमण गरेका थिए ।

विश्व मानचित्रमा एक्लिएको चीन अमेरिकासँग सम्बन्ध स्थापना गरेसँगै उत्पादन उद्योगका लागि विश्वकै कारखाना बनेको छ । नोबेल शान्ति पुरस्कार प्राप्त वरिष्ठ कूटनीतिज्ञ किसिन्जरले गत मे २७ मा आफ्नो एक सयौँ जन्मदिन मनाएका थिए । जन्मदिन मनाएपछिको यो उनको एक सयौँ चीन भ्रमण हो ।