सिन्धुली– बागमती प्रदेश सरकारका आन्तरिक मामिला तथा कानुन मन्त्री गङ्गा नारायण श्रेष्ठले जिल्ला कारागार सिन्धुलीलाई चार थान ‘राइस स्टिमर मेसिन’ हस्तान्तरण गरेका छन् ।
एक हजार भन्दा बढी कैदीबन्दी रहेको कारागारमा दाउरामा खाना बनाउनको लागि असहज भइरहेको गुनासोको सम्बोधन गर्दै मन्त्री श्रेष्ठले राइस स्टिमर मेसिनको व्यवस्था गरेका हुन् ।
उनका अनुसार आन्तरिक मामिला तथा कानुन मन्त्रालयको आर्थिक सहयोगमा नेपालमा नै कारागारलाई पहिलो पटक सो मेसिन प्रदान गरिएको हो ।
केही समय अगाडि जिल्ला कारागार सिन्धुलीको अनुगमनको क्रममा १ हजार जना भन्दा धेरै कैदीबन्दीलाई खाना बनाएर खानका लागि समस्या भएको गुनासो आएपछि राइस स्टिमर मेसिन प्रदान गरिएको मन्त्री श्रेष्ठले बताए ।
प्रतिक्रिया