काठमाडौँ– विश्व प्रेस स्वतन्त्रता सूचकांकमा पाकिस्तानको वरियता तल झर्दै गएको पाइएको छ । रिपोर्टर्स विथआउट बोर्डर्सले जारी गरेको प्रेस स्वतन्त्रता सूचकांकमा पाकिस्तान १८० मुलुकमध्ये १५७ औँ स्थानमा रहेको छ ।

गत वर्ष पाकिस्तान १४५ औँ स्थानमा रहेको थियो । रिपोर्टर्स विथआउट बोर्डर्सले पाकिस्तानलाई सञ्चारकर्मीका लागि ‘घातक मुलुक’ को संज्ञा दिएको छ ।

रिपोर्टर्स विथआउट बोर्डर्सलाई उद्धृत गर्दै पाकिस्तानबाट प्रकाशित हुने द न्युज डट कमले जनाएअनुसार उक्त मुलुकमा हरेक वर्ष तीनदेखि चार जना सञ्चारकर्मीको हत्या हुने गरेको छ ।

पाकिस्तानमा सञ्चारकर्मीलाई संरक्षण गर्ने बहानामा सरकार र सेनाको आलोचनालाई दबाउन कानूनको दुरुपयोग समेत हुने गरेको रिपोर्टर्स विथआउट बोर्डर्सको दाबी छ ।