काठमाडौँ– त्रिदेशीय टी–ट्वान्टी क्रिकेट सिरिजमा आज नेपालले आज आफ्नो दोस्रो खेलमा हङकङसँग खेल्दैछ  । खेल बिहान ११ बजे काठमाडौँको मुलपानी क्रिकेट मैदानमा सुरु हुनेछ । 

पहिलो खेलमा हिजो यूएईलाई ७ विकेटले हराउँदै सुखद सुरुवात गरेको नेपाल लगातार दोस्रो जित निकाल्ने लक्ष्यमा रहेको छ ।

टी– ट्वान्टी अन्तर्राष्ट्रियमा नेपालले साढे तीन वर्षपछि हङकङसँग खेल्न लागेको हो । पछिल्लो पटक नेपाल र हङकङले २०२० मार्चमा एसीसी टी–ट्वान्टी इस्टर्न रिजनमा खेलेका थिए । 

टी–ट्वान्टी विश्वकप छनोटको तयारीको रुपमा आयोजना गरिएको यस सिरिजमा हरेक टिमले एक आपसमा दुईदुई खेल खेल्नेछन् । सिरिजमा नेपालसहित यूएई र हङकङ समावेश छन् । 

यसपछि नेपालले कात्तिक ४ गते हङकङसँग खेल्नेछ भने कात्तिक ६ गते यूएईसँग दोस्रो खेल खेल्नेछ । यस्तै, यूएई र हङकङले भने कात्तिक ५ र ८ गते खेल्नेछन् ।

डबल राउन्ड रोविनमा हुने सिरिजको शीर्ष दुईमा रहने टोलीले फाइनल खेल्नेछन्। प्रतियोगिताको फाइनल खेल कात्तिक १० गते कीर्तिपुरस्थित त्रिवि क्रिकेट मैदान हुनेछ । अन्य खेलहरू मूलपानी क्रिकेट मैदानमा नै हुनेछन् ।