पाकिस्तानी अदालतमा गोली चल्दा दुई जना घाइते

४ असार २०८०, सोमबार

पढ्न लाग्ने समय : < 1 मिनेट

प्रतिकात्मक तस्वीर

इस्लामावाद- पाकिस्तानको पञ्जाब प्रान्तको भाकर जिल्लामा सोमबार अदालतमा गोली चल्दा दुई जना घाइते भएका छन् ।

मुद्दाको सुनुवाइका क्रममा प्रतिद्वन्द्वी समूहका सदस्यले गोली चलाएको प्रहरीले जनाएको छ ।

प्रहरीका अनुसार दुई हतियारधारीलाई अदालतको हाताबाट नियन्त्रणमा लिइएको छ । त्यस्तै, घाइतेहरूलाई अस्पताल पुर्याइएको एआरवाई न्युजले उल्लेख गरेको छ ।

पुरानो दुश्मनीका कारण सो घटना भएको प्रहरीको अनुमान छ । घटनाको अनुसन्धान भइरहेको छ ।

प्रकाशित मिति : ४ असार २०८०, सोमबार ६ : ३० बजे

प्रतिक्रिया