काठमाडौं-एनआईसी एशिया लघुवित्त वित्तीय संस्था लिमिटेडकाे स्वतन्त्र सञ्चालकमा सरिता गौतम नियुक्त भएकी छिन् ।

सोमबार साँझ बसेको सञ्चालक समितिको बैठकले संस्थाको स्वतन्त्र सञ्चालक पदमा नागार्जुन–०२ काठमाडौँ निवासी सरिता गौतमलाई नियुक्त गरेको हो ।

नवनियुक्त स्वतन्त्र सञ्चालक सरिता गौतमले आइतबार प्रचलित कानून तथा नियमानुसार संस्थाका अध्यक्ष सन्तोष कुमार राठी समक्ष शपथ ग्रहण गरी पद बहाल गरेकी छिन्।

करिब १० वर्षको विभिन्न क्षेत्रहरूमा कार्यअनुभव रहेकी सरिता गौतम नेपाल धितोपत्र बोर्डको विभिन्न विभागमा अधिकृत तहमा समेत कार्यरत थिइन् ।

संस्थाका प्रमुख कार्यकारी अधिकृत लक्ष्मण चालिसेले सरितालाई १९५औँ सञ्चालक समितिको बैठकले संस्थाको स्वतन्त्र सञ्चालकमा नियुक्त गरेकोमा खुसी प्रकट गर्दै स्वागत गरेका थिए।

साथै, नवनियुक्त स्वतन्त्र सञ्चालकको कार्य अनुभवबाट संस्थाले लिएको लक्ष्य हासिल गरी  लघुवित्त वित्तीय संस्थाहरू माझ अग्रणी, सबल तथा सशक्त लघुवित्त संस्थाको रूपमा स्थापित गराउन अझै थप सहयोग पुग्ने संस्थाको विश्वास रहेको समेत जनाए ।