काठमाडौँ– रेडियोकर्मी बिजन दुवाडीलाई सगरमाथा कला पत्रकारिता सम्मान प्रदान गरिएको छ । सिटिजन एफएमका अध्यक्षसमेत रहेका दुवाडीलाई सहारा ग्रुप पाँचौँ सगरमाथा म्युजिक अवार्ड २०८० बाट सम्मानित गरिएको हो ।
यसैगरी कार्यक्रममा वरिष्ठ लोक गायिका तीर्थकुमारी थापालाई सगरमाथा लाइफ टाइम अचिभमेन्ट अवार्ड २०८० बाट सम्मानित गरिएको थियो । उनीहरूसहित अन्य पाँच जना सञ्चारकर्मी र गायक गायिकाहरूलाई टोखा नगरपालिका प्रमुख प्रकाश अधिकारीले सम्मान प्रदान गरेका हुन् ।
टोखा नगरपालिका प्रमुख अधिकारीले कलाकार तथा सञ्चार कर्मीलाई सम्मान गर्नु प्रशंसनीय कार्य भएकोले नगरपालिकाले निरन्तर सहयोग गर्ने प्रतिबद्धता व्यक्त गरे ।
प्रतिक्रिया