बेइजिङ- चिनियाँ रक्षा उपकरणको निर्यात घटेको पाइएको छ । पछिल्लो दशकमा चिनियाँ रक्षा उपकरणको निर्यात एक चौथाइले घटेको डाइरेक्टसको प्रतिवेदनमा उल्लेख छ । कमजोर गुणस्तर, खराब र अनियमित प्रदर्शनजस्ता कारणले चिनियाँ रक्षा उपकरण बिक्री हुन थालेको जनाइएको छ ।

डाइरेक्टसलाई उद्धृत गर्दै टाइम्स अफ इन्डियाले जनाएअनुसार चिनियाँ जनमुक्ति सेना आफैँ कमजोर गुणस्तरका हतियारको समस्यासँग जुझिरहेको छ । स्टकहोल्म इन्टरनेशनल पिस रिसर्च इन्स्टिच्युट (सिप्री) का अनुसार सन् २०१६ देखि सन् २०२० मा यसअघिको सोही अवधिको तुलनामा चिनियाँ हतियारको निर्यात ७ दशमलब ८ प्रतिशतले खस्केको छ ।

त्यसैगरी, विश्व बजारमा चिनियाँ हतियारको अंश पनि ५ दशमलब ६ प्रतिशतबाट घटेर ५ दशमलब २ प्रतिशतमा झरेको छ ।

सुरुवाती चरणमा सस्तो मूल्यका कारण विश्व बजारमा चिनियाँ हतियारको माग बढिरहेको थियो । यद्यपि ती हतियारले अपेक्षाकृत प्रदर्शन गर्न नसकेपछि भने निर्यात ओरालो लागेको टाइम्स अफ इन्डियाले उल्लेख गरेको छ ।